İl 2015. 30 may. 2014-cü ilin noyabrında IDEA İctimai Birliyinin təsisçisi və rəhbəri Leyla Əliyevanın təşəbbüsü ilə başladılmış “Ümumrespublika Yaşıl Marafon” layihəsinə sözügedən tarixdə yekun vurulur.
Anaxeber.az xatırladır ki, bununla da prezidentin övladı, Heydər Əliyev Fondunun vitse-prezidentinin kampaniyası ölkə ərazisində 1,5 milyona yaxın müxtəlif cinsli ağaclar əkilməsi ilə müşayiət olunur.
L.Əliyevanın belə müqəddəs təşəbbüsü, ekologiyaya, gələcəyimizə, uşaqlarımızın ağciyərlərinə oksigen xidməti daşıyan bu kampaniyası böyük rəğbətlə qarşılanır.
Axı mərhum prezident Heydər Əliyev də demişdi ki, ağac kəsmək onun qollarını kəsməkdir.
Ən əsası bu gün dünya yaşıllaşır, Avropa, Amerika yeni-yeni meşəliklər salır. Siz Almaniyada, Belçikada döşəməsi mərmərdən, metlaxdan, tametdən ibarət parklar görə bilməzsiniz.
Hər yan meşəlik, yaşıllıq, otluqdur. Ona görə də L.Əliyevanın təşəbbüsü ilə 2015-ci ilin mayınadək 1.5. milyon ağac əkilməsi çox ciddi hadisə idi.
İl 2017. noyabr. Artıq 2018-ci ilə sayılı günlər qalır. Azərbaycanın isə dörd bir yanında ağaclar kəsilir, yaşıllıqlar məhv edilir, meşəliklərə genosid edilir.
https://youtu.be/RiOFCICRAqI
