“III Dünya müharibəsi cəmi yarım saat çəkəcək…”
Zərdüşt Əlizadə: “Bu, yer kürəsinin məhv edilməsi üçün bəs edəcək”
Artıq bir neçə ildir ki, dünyanın ən iri gücləri olan ABŞ, Rusiya və Çin arasında münasibətlərin gərginləşməsi, Avropanın aparıcı dövlətləri ilə Kreml arasındakı ənənəvi ziddiyyətlər və s. bəşəriyyətin III Dünya müharibəsinin astanasında olması ilə bağlı mülahizələrə yol açmaqdadır.
III Dünya müharibəsinin baş verməsi mümkündürmü? Müasir dünyanın ən qorxulu gözləntisi olan bu savaş hansı halda reallaşa bilər? Bu müharibədən hansı güc mərkəzinin qalib çıxma ehtimalı daha böyükdür?
24saat.org-a açıqlama verən politoloq Zərdüşt Əlizadə belə bir müharibənin heç vaxt olmayacağını vurğuladı:
“III Dünya müharibəsi başlasa quru qüvvələrinin, tankların, topların heç bir əhəmiyyəti olmayacaq. Çünki bütün yer kürəsi məhv olacaq. Bütün dünyanın məhvi müharibənin başladığı ilk yarım saat ərzində baş verəcək. Bu isə heç vaxt baş verməyəcək. Çünki heç kəs ölmək istəmir. Bunlar sadəcə siyasi oyun və möhtəkirlikdir”.
Seymur Əliyev