Dünya
İjevskdə məktəbdə atışmada altı nəfər öldürülüb
Atəş açan şəxsin özünü öldürdüyünü Udmurtiya DİN də təsdiqləyib
İjevskdə bir məktəbdə atışma nəticəsində altı nəfər, o cümlədən məktəbin mühafizəçisi öldürülüb, 20 nəfər xəsarət alıb. Bu haqda Udmurtiya Daxili İşlər Nazirliyi (DİN) məlumat yayıb.
Atışmanı təşkil edənin öz həyatına da son qoyduğu xəbər verilir. Açıqlamanı Udmurtiya başçısı Aleksandr Breçalov verib.
“Bu gün Udmurtiyada İjevskdəki 88 saylı məktəbdə faciə baş verib. Hələlik, şəxsiyyəti müəyyənləşdirilməmiş şəxs məktəbə girib, mühafizəçini öldürüb, bu bəllidir. Uşaqlar arasında itkilər və yaralılar var”, – o deyib.
Atəş açan şəxsin özünü öldürdüyünü Udmurtiya DİN də təsdiqləyib.
“112” Telegram kanalı isə 10 nəfəri öldüyünü, onların beşinin uşaqlar olduğunu bildirir.
