2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Gündəm

İlahiyyatçının şikayəti təmin edilmədi

İstintaq: Sərdar Babayev xaricdə təhsil almasına baxmayaraq dini ayinlər keçirməklə qanunu pozub

Saytların yığılması Saytlarin yigilmasi

Dünən Şirvan Apellyasiya Məhkəməsi şiə ilahiyyatçı və Azərbaycan “Din Xadimləri Məclisi” ictimai birliyinin üzvü Sərdar Babayevin (Hacıhəsənlinin) həbs müddətinin uzadılması ilə bağlı şikayəti təmin etməyib.

Vəkil Cavad Cavadovun Turan-a verdiyi məlumata görə, məhkəmə öz qərarını onunla izah edib ki, Sərdar Babayev azadlıqda qalsa, “cinayət fəaliyyətini” davam etdirəcək. İstintaq “dini ayinlərin icrasını” cinayət hesab edir”, deyə vəkil bildirib.

Vəkil əlavə edib ki, Babayevin işinə baxılması ilə əlaqədar Şirvan Apellyasiya Məhkəməsi qarşısında gücləndirilmiş təhlükəsizlik tədbirləri görülüb.

Polis vəkilin öz maşınını məhkəmə binasının qarşısına buraxmayıb. “Yalnız məhkəmə ilə telefon danışıqlarından və mənsiz məhkəmənin baş tutmayacağını izah etdikdən sonra polis məni buraxıb”, deyə Cavadov bildirib.

Babayev fevralın 22-də CM-in 168-1.3-cü (dini təbliğat aparılması tələblərinin pozulması) maddəsi ilə ittiham olunaraq həbs edilib.

İstintaqın iddiasına görə, o, xaricdə təhsil almasına baxmayaraq dini ayinlər keçirməklə qanunu pozub.

Müdafiə tərəfi qanunun bu normasını Avropa Konvensiyasına zidd hesab edir və Qafqaz Müsəlmanları İdarəsinin rəhbərlərinin də xaricdə təhsil almasına diqqət çəkir.

24saat.org

Mənbə – www.meydan.tv

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button