İlham Əliyev Alyaksandr Lukaşenka ilə görüşüb
Aprelin 13-də Azərbaycan prezidenti İlham Əliyev ilə Belarus prezidenti Alyaksandr Lukaşenka arasında qeyri-rəsmi görüş keçirildiyi bildirilir.
Bu barədə AZƏRTAC məlumat yayıb.
Sabah, aprelin 14-də onların təkbətək və geniş tərkibli nümayəndə heyətinin iştirakı ilə də görüşü gerçəkləşməlidir.
Bundan əvvəl verilən xəbərlərdə deyilirdi ki, Belarus prezidenti Aleksandr Lukaşenkonun aprelin 13-də Azərbaycana işgüzar səfəri başlanıb.
AZƏRTAC-ın xəbərinə görə, hər iki ölkənin dövlət bayraqlarının dalğalandığı Bakı beynəlxalq hava limanında Belarus prezidentinin şərəfinə fəxri qarovul dəstəsi düzülüb.
Onu hava limanında Azərbaycan baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşılayıblar.
Verilən rəsmi məlumatlara görə, Prezidentlərin görüşü təkbətək və geniş tərkibli nümayəndə heyətinin iştirakı ilə gerçəkləşməlidir.
Görüşdə ticari-iqtisadi əlaqələrin genişləndirilməsi və əməkdaşlığın yeni məzmunu müzakirə olunmalıdır.
Tərəflər sənaye kooperasiya məsələlərini, yeyinti məhsulları istehsalı, təchizatı, kənd təsərrüfatı məhsullarının emalı sahəsində cari və perspektivli layihələrin həyata keçirilməsini nəzərdən keçirməlidirlər.
“24 saat” “İlham Əliyev Alyaksandr Lukaşenka ilə görüşüb” başlıqlı yazını “Azadlıq Radiosu”na istinadən dərc edib.