24 saat

İlham Əliyevin çoxillik, çoxsaylı yalanlarından seçmələr

05/10/2017

Xaliq Bahadır

Vasili Klüçevski: “Tarix nəsə öyrətmir, ancaq keçmişdən dərs almayanları cəzalandırır”

Saytların yığılması

Azərbaycan balaca ölkədir, hamı hər şeyi bildiyindən burada nəyisə gizlətmək çətindir.Mənə ölkədəki monopoliya faktları ilə bağlı məlumatlar gəlir. Biz monopoliyalara son qoyacağıq (2004);
Güclü ictimai nəzarət və azad cəmiyyət formalaşmasa, iqtisadi uğurların da gələcəyi olmayacaq. Biz belə uğurlar üçün çalışırıq (2006);
2008-ci ildən Azərbaycan demokratiyaya qapılarını açacaq (2007);
Biz pullarımızı o qədər çoxaldacağıq ki, heç müharibəyə də ehtiyac qalmayacaq (2008);
Biz bütün tarixi torpaqlarımızı geri qaytaracağıq. Biz bundan ötrü güclü olmalıyıq və biz buna çalışırıq (2013);
Siyasi baxışlarına görə şərlənib həbs olunanlara görə mən məsuliyyət daşımıram (2016);
Azərbaycan dövləti müstəqil dövlətdir, biz müstəqil siyasət yeridirik (2016). Yeri gəlmişkən, 2016-cı ilin Aprel döyüşlərini Moskvanın tərsinə çevirməyi sözügedən “müstəqilliyin” parlaq görsənişidir;
Azərbaycanda demokratik islahatların inkişafına sadiqik (Avropa birliyindəki şıxışından. 2017);
Ölkələr valyuta ehtiyatlarını itirirlər, biz isə artırırıq (2017). Yeri gəlmişkən, Norveçin Neft fondunda 1 trilyon avrodan artıq pul var, Azərbaycanın Neft fondu Qızıl saxlancı ilə birlikdə bütünlüklə yağmalanıb;
Pambıqçılıq çox gəlirli sahədir. Buna görə mən pambıqçılığın inkişaf etdirilməsinə göstəriş vermişəm. Bu il hər hektardan 35-40 sentner pambıq götürəcəyik (2016). Yeri gəlmişkən, keçən il ortaya çıxan 35-40 sentner yerinə…17 sentner oldu;
Azərbaycan hamı üçün bərabər imkanlar yaradılan ölkədir (2017) Yeri gəlmişkən, HAMIYA BƏRABƏR İMKANLAR yaradıldığından… Əliyevlər ailəsində böyüklü-balacalı, qadınlı-kişili hamı milyarderdir;
Gələn il sürətli iqtisadi inkişaf ili olacaq (2017);
Bütün işlərimizin, siyasətimizin mərkəzində Azərbaycan vətəndaşı dayanır. Azərbaycan vətəndaşı yaxşı yaşamalıdır və yaxşı yaşamaq üçün imkan olmalıdır. Ona görə sosial məsələlərin həlli, xüsusilə, təhsil, səhiyyə ilə bağlı məsələlər həmişə bizim üçün prioritet olub (ən tipik çoxillik çıxışlarından biri). Bu çıxışın üzərində ayrıca dayanmaq gərəkir:
BMT-nin yaydığı bilgi: Azərbaycan ana-uşaq ölümünə görə Syerra Leone (Afrikanın ən geridə qalmış ölkələrindən biri) ölkəsi ilə yanaşı durur;
Rəsmi statistikaya görə, 1 yaşadək ölən uşaqların sayı qabaqkı illərdəkindən 23 faiz artıb. Oğlan uşaqları arasında ölənlərin sayı daha çoxdur – 25 faiz;
Sağlamlıq (səhiyi) sistemi bütünlüklə pulludur, bu isə sosial dövlət faktının yoxluğu görsənişlərindəndir;
Son 4 ildə 17 min (on yeddi min!) tələbə təhsil pulunu ödəyə bilmədiyindən təhsildən uzaqlaşıb. Orta aylıqların 150-200 manat oloduğu ölkədə illik təhsil pulu 3000-6000 arasındadır. Avropa oyunlarına 10 milyard, İslam oyunlarına 317 milyon pul ayıran İ.Əliyev təhsildə soyğunçuluq siyasəti yürüdür. Finlandiya, Norveç başda olmaqla Avropanın bir çox ölkələrində təhsil bütünlüklə pulsuz olduğu üçün (başqa bir sıra sferalarla yanaşı) onlar SOSİAL DÖVLƏT sayılır;
Məleykə Abbaszadə: “Sınaq imtahanlarını keçirməyə maddi imkanımız yoxdur. Yeri gəlmişkən, Əliyevlərin “sosial dövlətində” indi sınaq imtahanları da pulludur;
Azərbaycanda komunal xərcləri Avropa standartlarına uyğunlaşdıran İ.Əliyev Azərbaycan xalqını Qafqazın ən yoxsul (eləcə də ən hüquqsuz) xalqına çevirib. Orta aylıq əmək puluna baxın: Gürcüstan – 413; “Ermənistan”- 397; Azərbaycan- 299. Sovet dönəmi boyunca dotasiyada yaşamış Estoniyada orta aylıq əmək pulu 1313 dollardır. Dövlət qulluqçularını çıxsaq, Azərbaycanda orta aylıq əmək pulu 150 dollar da olmaz;
Avropa standartlarına görə, aylıq gəlirin 10-12 faizinin ərzaqa xərclənməsi normal göstərici sasyılır. Azərbaycanda bu göstərici 73 faizdir. Bu isə aşırı yoxsulluq göstəricisidir;
Işsizlik-yoxsulluq-evsizlik üzündən ölkədə minlərlə gənc ailə qura bilmir;
Işsizlik-yoxsulluq-dolanışıq dözülməzliyindən hər ay ölkədə 1200-dən artıq ailə dağılır;
7 ayda 1171 qız normal yaşayış üçün başqa ölkəyə ərə gedir;
Dolanışıq dözülməzliyindən ölkədə özünüöldürmə faktları durmadan artır. Rejimin ANTİMİLLİ, ANTİDEMOKRATİK siyasətləıri üzündən ölkədə geniş, çoxyönlü soyqırım baş verməkdədir!