2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Dünya

İmran Xan beş il dövlət vəzifəsi tuta bilməyəcək

Hüquqşünasların fikrincə, seçki komissiyasının qərarından dolayı Xan parlamentdəki yerini də itirəcək

Saytların yığılması Saytlarin yigilmasi

Oktyabrın 21-də Pakistanın seçki komissiyası keçmiş baş nazir İmran Xanı beş il müddətinə dövlət qulluğunda çalışmasını qadağan edib. O, hakimiyyətdə olduğu dövrdə dövlət başçılarından aldığı hədiyyələri qanunsuz satmaqda ittiham olunur.

Xan həmçinin bəzi hədiyyələrin satışından əldə etdiyi pulu gizlətməkdə suçlanır. Seçilmiş rəsmilər qanunla bütün gəlirlərini bəyan etməlidirlər.

Pakistanda hökumət rəsmilərinə müəyyən dəyərdən aşağı hədiyyələri saxlamağa icazə verilir.

Vəkil Gohar Xan isə deyib ki, Pakistanın Seçki Komissiyasının qərarından İslamabad ali məhkəməsində iddia qaldırılacaq.

Komissiya Xana qarşı cinayət işi başladılması göstərişi verib.

Keçmiş baş nazirin Tehriki İnsaf (PTI) partiyası komissiyanın qərarını dinc şəkildə pisləmək üçün tərəfdarları küçələrə çağırıb.

“Bu qərarı qəbul etmirik. Pakistan xalqı bunu qəbul etməyəcək. Adamları küçələrə çıxaraq qərar verənləri qovmağa çağırırıq”, – Xanın sözçüsü Favad Çaudri deyib.

Hüquqşünasların fikrincə, seçki komissiyasının qərarından dolayı Xan parlamentdəki yerini də itirəcək.

O, 2018-ci ildən bu ilin aprelində etimadsızlıq səsverməsi keçirilənəcən baş nazir olub.

70 yaşlı Xan isə iddia edir ki, o, ABŞ-ın gizli planına uyğun olaraq, indiki baş nazir Şahbaz Şərif hökuməti tərəfindən devrilib.

Şərif və Vaşinqton iddianı rədd ediblər.

Xanın PTI partiyası bu həftə parlamentdəki səkkiz mümkün yerdən altısını qazanıb. Keçmiş kriket ulduzu həftəsonu keçirilən növbədənkənar seçkini özünün populyarlıq referendumu adlandırıb.

24 saat” “
İmran Xan beş il dövlət vəzifəsi tuta bilməyəcək
” başlıqlı yazını “AzadliqRadiosu”na istinadən dərc edib

Xeberler

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button