Gündəm
İndi Tərtərdə sakitlikdir
«Hazırda Tərtər şəhərində sakitlikdir. Atəş səsləri uzaqdan gəlir».
Bunu AzadlıqRadiosuna Tərtər şəhərinin bir sakini deyib.
Azərbaycan Müdafiə nazirliyi bildirib ki, aprelin 26-sı saat 01:05-dən saat 04:25-dək Ermənistan silahlı bölmələri Tərtər rayonu ərazisini, rayon mərkəzini və eləcə də Qapanlı kəndini atəşə tutub.
Sakinlər AzadlıqRadiosuna həmçinin deyiblər ki, gecə qadın və uşaqlar şəhərdən çıxarılaraq daha təhlükəsiz yerlərə köçürülüb.
«Ancaq kişilər evdədir. Əhalinin də əhval-ruhiyyəsi yaxşıdır»,-deyə Tərtər rayon sakini bildirib.
