Dünya
İndoneziyada 7 metrlik piton insanı udub
İndoneziyanın Sulevasi əyalətində palma yağı yığmaq üçün iki gün əvvəl evindən çıxan və geri qayıtmayan 25 yaşlı Əkbər Salubironun meyiti 7 metrlik bir pitonun qarnında tapılıb.
İnterAz “Daily Mail”ə istinadən xəbər verir ki, kəndlilər palma bağçasında tapdıqları pitonun qarnının çox böyük olduğundan şübhələnib ilanı öldürüb. Qarnı yarılan pitonun mədəsindən Salubironun meyiti çıxıb.
Bir kəndlinin mobil telefonla çəkdiyi görüntülərdə ilanın qarnından çıxan cəsədin üzərində paltar və ayaqqabıların olması diqqət çəkib.