“Iqtidarın siyasi komandasının idarəçilik potensialı tükənib”
Pənah Hüseyn: “Müxalifət bu məsələdə iqtidardan daha öndədir”
Bu günlərdə ən çox müzakirə edilən məsələlərdən biri də müxalifətin kadr potensialı və bu potensialın iqtidar komandası ilə müqayisəsidir.
Maraqlıdır, müxalifətin kadr potensialı mövcud hakimiyyəti əvəzləmək üçün yetərlidirmi?
24saat.org-a açıqlama verən AXP sədri Pənah Hüseyn məsələ ilə bağlı maraqlı fikirlər səsləndirib:
“Müxaliftin kadr potensialı” ifadəsi o qədər də düzgün deyil. Dövlət idarəçiliyinin əhəmiyyətli bir hissəsi peşəkarlar tərəfindən həyata keçirilir. Siyasi hakimiyyətin dəyişib-dəyişməməsindən asılı olmayaraq, məmur təbəqəsinin böyük bir qismi öz fəaliyyətini davam etdirib. Bu, həmişə belə olub. Hətta böyük inqilablar dönəmində də belə olub. Söhət siyasi hakimiyyətin dəyişilməsindən gedir.
Hesab edirəm ki, indiki iqtidarın siyasi komandası artıq bütün idarəçilik potensialını başa vurub. Odur ki, siyasi müalifətin bu baxımdan ondan daha çox irəlidə olması qənaətindyəm”.
Seymur Əliyev