2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
İqtisadiyyat

İqtisadi göstəricilər azala-azala gedir

Dövlət Statistika Komitəsi 2016-cı ilin yanvar-sentyabr aylarında ölkənin iqtisadi və sosial inkişafının makroiqtisadi göstəricilərini açıqlayıb. Bizimyol.info xəbər veirir ki, 9 ayda ölkədə fəaliyyət göstərən müəssisə, təşkilat və fərdi sahibkarlar tərəfindən 43436,3 milyon manatlıq və ya əvvəlki ilin müvafiq dövrünə nisbətən 3,9% az ümumi daxili məhsul istehsal edilib. Azalmanın əsas səbəbi tikinti sektorunda istehsalın keçən ilin eyni dövrü ilə müqayisədə 32% azalması olub. Əlavə dəyərin 37,7%-i sənaye, 11,3%-i ticarət, nəqliyyat vasitələrinin təmiri, 9,7%-i tikinti, 6,8%-i nəqliyyat və anbar təsərrüfatı, 5,9%-i kənd, meşə təsərrüfatı və balıqçılıq, 2,6%-i turistlərin yerləşdirilməsi və ictimai iaşə, 1,8%-i informasiya və rabitə, 16,7%-i digər sahələrdə istehsal edilib. Məhsula və idxala xalis vergilər ÜDM-in 7,5%-ni təşkil edib. Əhalinin hər nəfərinə düşən ÜDM 4512,5 manata bərabər olub.

Neft hasilatı 0,3%, əmtəəlik qaz hasilatı 1,6% azalıb

Yanvar-sentyabr aylarında 23 milyard manatlıq və ya əvvəlki ilin müvafiq dövrü ilə müqayisədə 0,2% çox sənaye məhsulu istehsal edilib. Məhsulun 65,7%-i mədənçıxarma, 28,2%-i emal, 5,3%-i elektrik enerjisi, qaz və buxar istehsalı, bölüşdürülməsi və təchizatı, 0,8%-i su təchizatı, tullantıların təmizlənməsi və emalı sektorunda istehsal olunub. Mədənçıxarma sektorunda neft hasilatı 0,3%, əmtəəlik qaz hasilatı 1,6% azalıb. Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 2,9%, su təchizatı, tullantıların təmizlənməsi və emalı 0,2% azalma olub.

Saytların yığılması Saytlarin yigilmasi

Dövlət Gömrük Komitəsinin məlumatlarına əsasən yanvar-avqust aylarında ölkənin xarici ticarət dövriyyəsi 11330,3 milyon dollar təşkil edib. Ticarət dövriyyəsinin 5790,3 milyon dollarını və ya 51,1%-ni ölkədən ixrac olunmuş məhsulların, 5540,0 milyon dollarını (48,9%) isə idxal məhsullarının dəyəri təşkil edib, nəticədə 250,3 milyon dollar məbləğində müsbət saldo yaranıb. 2015-ci ilin eyni dövrü ilə müqayisədə xarici ticarət dövriyyəsi müqayisəli qiymətlərlə 12,3%, o cümlədən ixrac 15,7%, idxal 7,1% azalıb. Ticarət dövriyyəsinin 36,9%-i Avropa İttifaqı ölkələri, 14,9%-i MDB üzvü dövlətləri, 48,2%-i digər ölkələrin payına düşüb. Bu dövrdə qeyri-neft məhsullarının ixracı keçən ilin eyni dövrünə nisbətən 25,3% azalaraq 742,7 milyon dollar təşkil edib. Keçən ilin müvafiq dövrünə nisbətən istehlak məhsullarının və xidmətlərin qiymətləri 11,2%, o cümlədən ərzaq məhsullarının qiymətləri 12,7%, qeyri-ərzaq məhsullarının qiymətləri 15,9%, əhaliyə göstərilən ödənişli xidmətlərin qiymətləri 5,2% artıb.

Gəlirlərimizin 78,6%-ni istehlaka yönəltmişik

Yanvar-sentyabr aylarında əvvəlki ilin müvafiq dövrü ilə müqayisədə əhalinin gəlirləri nominal ifadədə 8,7% artaraq 32762,5 milyon manata çatıb. Gəlirlərin 78,6%-i son istehlak xərclərinə, 9,2%-i vergilərin, sığorta və üzvlük haqlarının, 2,6%-i kreditlər üzrə faizlərin ödənilməsinə sərf edilib, 9,6%-i yığıma yönəldilib. Maliyyə Nazirliyinin məlumatlarına əsasən yanvar-sentyabr aylarında dövlət büdcəsinə 10103,1 milyon manat vəsait daxil olub, büdcədən 10622,2 milyon manat vəsait xərclənib, büdcənin icrasında yaranmış 519,1 milyon manatlıq kəsir ümumi daxili məhsulun 1,2%-i səviyyəsində olub.

Bankların kredit portfeli 16,2% azalıb, vaxtı keçmiş kredtlər 9,5% artıb

Mərkəzi Bankın məlumatlarına görə, sentyabr ayının 1-nə ölkənin bank və bank olmayan kredit təşkilatlarının kredit portfeli milli valyuta ekvivalentində 16839,7 milyon manat təşkil edib, onun 13211,3 milyon manatı uzunmüddətli kreditlər olub. Kredit portfeli ötən il sentyabr ayının 1-i ilə müqayisədə 16,2% azalıb. Ödəmə vaxtı keçmiş kreditlərin məbləği ümumi kredit portfelinin 9,5%-ni təşkil edib. Əhalinin banklardakı əmanətlərinin milli valyuta ekvivalentində məbləği sentyabr ayının 1-nə 7931,9 milyon manat olub.

Bizimyol.info

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button