İranın Milli Seysmoloji Mərkəzinin məlumatına görə, episentri Fars əyalətinin Həşt şəhərində olan 4,2 bal gücündə zəlzələ yerli vaxtla saat 21:43-də qeydə alınıb.
Yerin 10 kilometr dərinliyində baş verən zəlzələnin Buşəhr vilayətində də hiss olunduğu bildirilib.
Digər tərəfdən, episentri İlam əyalətinin Murmuri şəhəri olan 4,7 bal gücündə zəlzələ yerli vaxtla saat 22:43-də qeydə alınıb.
İranın rəsmi xəbər agentliyi İRNA-nın məlumatına görə, 18 kilometr dərinlikdə baş verdiyi elan edilən zəlzələ Loristan və Xuzistan əyalətlərində də hiss olunub.
Zəlzələdən sonra can və ya mal itkisinin olub-olmadığı barədə hələlik heç bir açıqlama verilməyib.
(AA)
Tərcümə“24 SAAT”
