SEÇMƏ

İranda zəlzələ: 50 evin dağıldığı, 580 nəfərin yaralandığı bildirilir

Yayımlandı: 5 Oktyabr 2022 15:11

“135 nəfər xəstəxanaya yerləşdirilib”

Oktyabrın 5-də İranın şimal-qərbində 5,7 bal gücündə zəlzələnin baş verdiyi bildirilir.

Zəlzələnin episentri İranın azərbaycanlılar yaşayan hissəsində – Xoy şəhəri yaxınlığında qeydə alınıb.

Böhranla mübarizə təşkilatının rəhbəri Məhəmməd Həsən Nami “İSNA” agentliyinə bildirib ki, zəlzələdə yaralananların sayı 580 nəfərə çatıb.

Məlumata görə, onlardan 135 nəfəri xəstəxanaya yerləşdirilib, onlardan 5-i əməliyyat olunub.

“Xoşbəxtlikdən heç kim həyatını itirməyib”, – Həsən Nami belə deyib.

Xoy, Çayparas və Salmas şəhərləri ilə yanaşı, ölkənin 12 kəndinə ziyan dəydiyi bildirilir.

Qeyd olunur ki, təbii fəlakət nəticəsində 50 ev tamamilə dağılıb.

Meydan TV

Gözdən qaçırmayın:  Dünyanın kül olmaq qorxusu…

This site uses Akismet to reduce spam. Learn how your comment data is processed.

Back to top button