Dünya
İraqda 6878 mülki vətəndaş həyatını itirdi
24saat.org xəbər verir ki, Birləşmiş Millətlər Təşkilatına (BMT) görə, ərazilərinin bir qisminə terror təşkilatı IŞİD tərəfindən nəzarət edilən İraqda 2016 ildə 6 min 878 vətəndaş ölüb. Bir il ərzində yaralanan mülki şəxslərin sayı isə 12 min 388-dir. Bu rəqəmlərə ölkənin qərbindəki Anbar əyalətində bəzi aylarda həlak olanlar daxil deyil.
Bir dəfədə ən çox insan tələfatının baş verdiyi hücum paytaxt Bağdadda iyul ayında baş tutub. Terror təşkilatı İŞİD-in bazarı hədəf alan hücumunda 300 insan ölüb. Bu rəqəm 2003-cü ildəki hücumdan bəri bir dəfədə baş tutan ən böyük can itkisi olub.
Qeyd edək ki, BMT 2015-ci ildə İraqda 7 min 515 mülki vətəndaşın öldüyünü bildirmişdi.
Yeni ilə də İŞİD-in bombalı hücumları ilə girən İraqdan yeni partlayış xəbəri də gəlib. Anbar əyalətinə bağlı Ramadidə hücumu təşkil olunub. Hücumda insan təlafatının olub olmadığı hələ bilinmir. Ancaq İŞİD-in paytaxt Bağdadda dünən həyata keçirdiyi müxtəlif hücumlarda 60-a yaxın insan həyatını itirmişdi.