Loading...
Loading...
Cəmiyyət

İsgəndər Həmidovun evində qalmaqal: övladları dalaşdılar, ev hərraca çıxdı – FOTOLAR

Azərbaycanın sabiq daxili işlər naziri İsgəndər Həmidovun Səbail rayonunda evi hərraca çıxarılıb.

Evin hərraca çıxarılmasına səbəb ata evinin Həmidovun övladları – Həmidov Nofəl və Məcidzadə Məcid arasında bölünə bilməməsi olub.

Belə ki, böyük qardaş Məcidzadə Məcid ata mülkündən öz qardaşı Nofələ pay vermədiyi üçün sonuncu tərəfindən məhkəməyə verilib.

İsgəndər Həmidovun kiçik oğlu mənzilin bölünməsi, bu mümkün olmadıqda payın əvəzinə kompensasiya ödənilməsi, daha sonra əmlakın açıq hərracdan satılması və payların münasib şəkildə bölüşdürülməsi ilə bağlı Bakı Şəhər Səbail rayon məhkəməsində iddia qaldırıb və iddia məhkəmə tərəfindən təmin edilib.

Məhkəmə müəyyən edib ki, cavabdeh olan qardaş Məcid Məcidzadə həmin mənzildən özü istifadə edir, açarlar özündədir, Həmidov Nofələ həmin yaşayış sahəsi üzrə istifadə etməyə imkan vermir və çətinliklər yaradır. Həmçinin gələcəkdə payı üzərindən sərəncam vermək və sair hallarla bağlı çətinliklərin yaranacağı indidən bəllidir. Çünki, qardaşı ilə bağlı aralarında münasibətlər vərəsəliklə bağlı çox soyuqdur. Məcidzadə Məcid atasına məxsus olan, lakin atasının adından olmayan digər əmlakları, o cümlədən avtomobili (avtomobili sataraq dəyərini) müxtəlif üsullarla özgəninkiləşdirib. Bildirilir ki, Nofəl qardaşı Məcidlə razılıq əldə etməyə çalısa da, bu mümkün olmayıb. Nəticədə məhkəmə mənzilin hərrac yolu ilə satılmasına dair qərar verib.

Mərhum nazirin Bakı Şəhəri, Səbail rayonu, İstiqlaliyyət küçəsində 5 saylı binada yerləşən, 22 saylı mənzilinin (Yeni qaydalarla: AZ1001, Bakı şəhəri, Səbayil rayonu, BMT-nin 50 illiyi küçəsi, 7M9,m1) ilkin satış qiyməti 350 000 AZN olaraq dəyərləndirilir. Hərrac mayın 25-də keçiriləcək.

Qeyd edək ki, İ. Həmidov 1992-93-cü illərdə Azərbaycanın daxili işlər naziri olub və 2020-ci ildə 71 yaşında vəfat edib. (Qafqazinfo)

24 saat” “İsgəndər Həmidovun evində qalmaqal: övladları dalaşdılar, ev hərraca çıxdı – FOTOLAR” başlıqlı yazını “Pressklub”a istinadən dərc edib

Xeberler

Gözdən qaçırmayın:  Prodüser Təranə Səmədova cərimə olundu - Narkotik, polisə müqavimət...

This site uses Akismet to reduce spam. Learn how your comment data is processed.

Back to top button
Telegram kanalımıza abunə olun