İşgəncələrə məruz qaldığını deyən Rahim Şalıyev məhkəməyə gətirilməyib
Fevralın 24-də Sumqayıt Apelyasiya Məhkəməsində Respublika Alternativ Hərəkatının üzvü Rahim Şalıyevin şikayətinə baxılıb. İşgəncələrə məruz qaldığını deyən Rahim Şalıyev məhkəməyə gətirilməyib.
Vəkili Yalçın İmanov prosesdə Rahimin məhkəməyə gətirilməsini, onun telefonuna baxış keçirilməsini, bacısı Lalə Şalıyevanın şahid kimi dindirilməsini istəyib. O, həmçinin Sumqayıt Şəhər Polis idarəsinin əməkdaşlarının məhkəmədə iştirakının obyektiv araşdırılma üçün əsas olduğunu vurğulayıb. Vəkil Rahim Şalıyevin heç bir hüququ əsası olmayan inzibati həbsə məhkum edildiyini söyləyib.
Məhkəmə Rahimin, bacısının və polislərin iştirakı ilə bağlı vəsatəti təmin edib. Qalan vəsatətlər təmin olunmayıb. Rahim Şalıyevin bacısı Lalə Şalıyeva fevralın 20-də evlərinə iki polis əməkdaşının gəlib qardaşını apardığını söyləyir.
Real Hərakatının İdarə Heyətinin üzvü Azər Qasımlı üzvlərinin həbsinin hərəkata qarşı təzyiq kimi dəyərləndirir
Rahim Şalıyev fevralın 20-də həbs edilib.
O, Sumqayıt Şəhər Polis İdarəsində işgəncələrə məruz qaldığını, başından zərbə aldığını deyib.
Realçı xırda xuliqanlıqda və polisin qanuni tələbinə tabe olmamaqda günahkar bilinərək, 30 sutka müddətində inzibati qaydada həbs edilib.
