Eldəniz Quliyev: “Yürüdülən siyasət ortadadır”
Qış mövsümü ilə əlaqədar olaraq ölkədəki bəzi məscidlərdə qaza görə müxtəlif borclar yaranmaqdadır. Maraqlıdır, erməni kilsəsinin pulsuz qazla təmin edilməsi fonunda məscidlərin borclanması nə dərəcədə məntiqlidir?
24saat.org-a açıqlama verən İnanclı İnsanların Hüquqlarını Müdafiə Komitəsinin rəhbəri Eldəniz Quliyev belə münasibətin yolverilməz olduğunu vurğuladı:
“Hesab edirəm ki, bu, inanclı insanlara qarşı təzyiqin tərkib hissələrindən biridir. Günahsız inanclı insanları bir tərəfdən həbs edir, bir tərəfdən də soyuqdan qırırlar. Görünən odur ki, dindarlara, inanclı insanlaraqarşı siyasət bundan ibarətdir. Erməni kilsəsinə, sinaqoqlara pulsuz qaz vermək, məscidləri isə borcla yükləmək siyasəti özlüyündə hər şeyi deyir. Görünən kəndə bələdçi lazım deyil. Baş verənlər onu göstərir ki, ölkədə İslam dinin Azərbaycanda təşəkkül tapmasının əleyhinə olan qüvvələr var”.
Seymur Əliyev