2023-02-13 16:43:03
Episentri Kahramanmaraş olan və 10 vilayətdə baş verən 7,7 və 7,6 bal gücündə zəlzələlərdən sonra Türkiyəyə gedən beynəlxalq axtarış-xilasetmə qrupları işlərini bitirdikdən sonra ölkələrinə qayıtmağa başlayıblar.
İspaniyanın Beynəlxalq Təbii Fəlakət Xilasetmə Qrupu (USAR) ölkələrinə qayıtmaq üçün İstanbul hava limanından qızılgüllərlə yola salınıb.
Sosial media hesablarından türkcə “Əlvida Türkiyə” mesajı ilə Türkiyə ilə vidalaşan İspaniya komandası, “İspaniyaya uçmağa hazırıq. Ömürlük təsiri olacaq bir vəzifəni geridə qoyduq” dedi.
ALMANİYA KOMANDALARI GÜLLƏR İLƏ QARŞI OLUNUR
Beynəlxalq Axtarış və Xilasetmə Məsləhət Qrupunun (INSARAG) ilk karvanı Almaniyaya qayıdıb.
class=”medianet-inline-adv”>
Almaniya axtarış-xilasetmə qrupunu Frankfurt hava limanında Türkiyənin Frankfurt baş konsulu Erdem Tuçer və digər rəsmilər gül-çiçəklə qarşılayıb.
Yunan EMAK Türkiyəyə çatan ilk konvoylardan biri olub. Yunanıstan komandası dünən axşam saatlarında Afinaya qayıdıb.
Adananı tərk edən Yunanıstan Xüsusi Fəlakətlərə Müdaxilə Birliyinin (EMAK) komandası Eleftherios Venizelos Beynəlxalq Hava Limanında Səhiyyə Naziri Thanos Plevris və İqlim Böhranı və Mülki Müdafiə Naziri Kristos Stylianidis tərəfindən qarşılanıb.
Fevralın 7-də Türkiyədə axtarış-xilasetmə işlərinə qatılmaq üçün Türkiyəyə gələn komanda Xilasetmə və Milli Təcili Yardım Mərkəzinin (EKAB) əməkdaşları tərəfindən maraq və sevgi ilə qarşılanıb. EMAK-a bağlı 2 qrup mülki təyyarə ilə bölgədən Afinaya çatarkən, nəqliyyat vasitələri və avadanlıqlar hərbi təyyarə ilə Yunanıstana daşınıb.
Tərcümə“24 SAAT”