İstanbul fond birjasında əməliyyat: 102 nəfər həbs olunub
İstanbul fond birjasında Fethullah Gülen işi üzrə aparılan əməliyyatda 102 nəfərin həbs olunması barədə hökm çıxarılıb.
Əməliyyatlar İstanbul Baş Prokurorluğu tərəfindən aparılan istintaqdan sonra həyata keçirilib.
Şübhəlilər Maliyyə Cinayətkarlığına qarşı Mübarizə Şöbəsi tərəfindən İstanbul, Giresun, Balıkesir, Kayseri, Bursa və Ankarada həbs olunublar.
Anadolu Agentliyi (AA) ümumilikdə 110 ünvana qarşı əməliyyatın təşkil olunması, şübhəlilərin ByLock proqramından istifadə etməsi barədə məlumat yayıb.
Bundan başqa Gülen işi üzrə əlaqəsi olduğu bildirilən və qanunla fəaliyyəti dayandırılan təhsil qurumlarında işləyənlərə qarşı həyata keçirilən digər əməliyyatda 16 nəfər həbs olunub.
12 əyalətdə aparılan əməliyyatda 38 şübhəlinin həbs olunması barədə hökm çıxarılıb.
24saat.org
Mənbə – azadliq.info