Prezident Rəcəb Tayyib Ərdoğanın Türkiyənin Finlandiyanın NATO üzvlüyünü təsdiq edə biləcəyi və İsveç üçün fərqli mövqe sərgiləyə biləcəyi mesajı ilə təkzib etməsindən sonra Türkiyə İsveçin gündəmindəki yerini qorumağa davam edir. İsveçin baş naziri Ulf Kristersson ölkəsinin son anti-Türkiyə və İslam əleyhinə hərəkətlərinə toxunub. Sözügedən hərəkətlərin ölkənin təhlükəsizliyini çətinləşdirdiyini dilə gətirən Kristersson bu hərəkətləri edənləri “faydalı axmaqlar” adlandırıb.
Türkiyənin İsveç və Danimarkadakı səfirliyi qarşısında Quranı yandıran ifrat sağçı Stram Kurs (Sıx İstiqamət) partiyasının lideri Rasmus Paludan.
İsveçdə partiya liderləri ilə bağlı qapılar arxasında keçirdiyi görüşdən sonra Kristersson terror təşkilatı PKK/YPG tərəfdarlarının Türkiyə əleyhinə təşkil etdiyi təxribatlar, Quranın yandırılması və İsveçin NATO-ya müraciət prosesi ilə bağlı açıqlamalar verib.
Son bir neçə həftə ərzində Stokholmda baş verən hadisələrin İsveçin təhlükəsizliyini necə çətinləşdirdiyinin açıq-aşkar olduğunu ifadə edən Kristersson deyib:
“Prezident Ərdoğana bənzədilmiş oyuncaq kuklanın ayağından asıldığını, daha sonra Türkiyənin Stokholmdakı səfirliyi qarşısında Qurani-Kərimin yandırıldığını gördük. İsveçdə son bir neçə həftədir qanuni olsa da, kiçik qruplar tərəfindən edilən hərəkətlər qruplar və şəxslər dezinformasiya kampaniyasına çevrilib: “Bu, İsveçi islamafobiya ölkəsi kimi göstərdi. Biz bunun İsveçin dünyadakı imicinə və isveçlilərin xaricdəki təhlükəsizliyinə necə riskli və böyük nəticələr verə biləcəyini gördük”.
Kristersson sözügedən hərəkətlərin İsveçin əleyhdarlarına fayda verdiyini ifadə edərək, bu hərəkətləri edənləri “faydalı axmaqlar” adlandırıb.
İsveçin NATO üzvlüyü üçün müraciətinin vacib olduğunu vurğulayan Kristersson, “İsveç İkinci Dünya Müharibəsindən sonra ən mühüm təhlükəsizlik riskləri ilə üz-üzədir. Tərəflərin NATO ilə bağlı fərqli fikirləri var. İsveçin müraciətinin 28 NATO ölkəsi tərəfindən təsdiqlənməsi ilə daha etibarlı olduq. Lakin biz hələ NATO üzvü olmadığımızı da unutmamalıyıq”. dedi.
Kristersson ölkəsinin NATO-ya üzvlük prosesini müzakirə etmək üçün bu həftə ABŞ-a gedəcəyini də qeyd edib.
Digər tərəfdən, Sosial Demokrat Partiyasının lideri Magdalena Andersson baş nazir Kristersson ilə görüşdən əvvəl İsveç mətbuatına açıqlama verib.
Andersson ifrat sağçı İsveç Demokratlar Partiyasının lideri Cimmi Akessonun Türkiyə əleyhinə verdiyi açıqlamalarla İsveçin NATO üzvlüyünün risk altında olduğunu ifadə edərək hökumətin İsveç Demokratlar partiyası ilə əməkdaşlığı dayandırması lazım olduğunu müdafiə edib.
Akesson isə Anderssona cavabında Sosial Demokrat Partiyasının terror təşkilatı PKK/YPG ilə sıx əlaqədə olduğunu və Türkiyənin bu vəziyyətə əsasən reaksiya verdiyini bildirib.
(AA)
Tərcümə“24 SAAT”
