“Jurnalistlərimizin İran və Rusiya tərəfindən izlənmə ehtimalı daha böyükdür”
Elçin Şıxlı: “Digər ölkələrin bu məsələdə maraqlı olduğunu güman etmirəm”
Son vaxtlar dünya gündəmində ən çox müzakirə olunan məsələlərdən biri jurnaistlərin xüsusi xidmət orqanları tərəfindən izlənməsi, onların bəzisinin fəaliyyətinin nəzarətə götürülməsi ilə bağlıdır. Maraqlıdır, Azərbaycan jurnalistlərinin də digər dövlətlərin xüsusi xidmət orqanları tərəfindən izlənmə ehtimalı varmı?
24saat.org-a açıqlama vern Ayna.az saytının baş redaktoru, media eksperti Elçin Şıxlı məsələ ilə bağlı maraqlı fikirlər səsləndirib:
“Hesab edirəm ki, Azərbaycanda hər hansı bir jurnalist İran və ya Rusiyanın xüsusi xidmət orqanları tərəfindən izlənə bilər. Bu, mümkündür. Çünki bu iki ölkənin bu məsələdə maraqlı ola biləcəyi istisna deyil. Düşünmürəm ki, onlar jurnalistlərin fəaliyyətini nəzarətə götürə bilərlər. Lakin onların izlənməsini həyata keçirə bilərlər. Amma digər dövlətlərin, o cümlədən də Qərb ölkələrinin xüsusi xidmət orqanlarının belə bir addım atacağı inandırıcı deyil. Ən azından ona görə ki, onların belə bir addım atmasına ehtiyac yoxdur. Bu, çətin ki, onların marağında olsun”.
Seymur Əliyev
