2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Manşet

Kəmaləddin Heydərovun adamları sahibkarla “müharibədə”: rüşvət, bazarlıq, hədə-qorxu – VİDEO

Göyçay rayon sakini, YAP üzvü, sahibkar Mayılov Çingiz Sabir oğlunun üzləşdiyi problemlərlə bağlı cumhuriyyet.az saytı bir müddət əvvəl geniş yazı ilə çıxış edib. “YAP-çı sahibkar məmurları sıraya düzdü: Kəmaləddin Heydərov, Qorxmaz Hüseynov, Şirzad Abdullayev…” başlıqlı həmin yazımızda sahibkarın videomüraciətini də yer verilib.

Oxucularımızda aydınlıq yaransın deyə Ç.Mayılovun cumhuriyyet.az vasitəsilə müraciətinin bir hissəsini yenidən xatırladırıq:

Mən Mayılov Çingiz Sabir oğlu Göyçay rayon sakini, sahibkaram, rayonda çörək zavodu tikmişəm. Bu zavodun tikintisinə 2013-cü ildə başlamışam. Neçə ildir ki, bu tikilini öz şəxsi vəsaitimlə inşa elətdirirəm. Sahibkarlığa kömək milli fondundan heç bir kömək, yardım görməmişəm. Dəfələrlə yardım üçün müraciət etmişəm, müraciətim qəbul olunub, ancaq heç bir maliyyə yardımı olunmayıb. Mən dəfələrlə Şirzad, Mahir müəllimin qəbulunda olmuşam. Mənə deyiblər ki, sənə 1 milyon bir yüz pul yazırıq. Gedib pulu alarsan və zavodu tikib istifadəyə verərsən. Ancaq təəssüf ki, bu işdən bu günə kimi heç bir xəbər yoxdur. Axırıncı dəfə 6-ay bundan öncə yoldaşımın adından müraciət etdim. Yoldaşım qadın sahibkardır. Bizi qəbul edəndə Şirzad müəllim baxdı və məni tanıyaraq dedi. Bu sənsən? Bəsdir də adam nə qədər şikayət edər? Görmürsən ki, büdcədə pul yoxdur? Mən cənab prezidentdən xahiş edirəm ki, mənim bu illər ərzində tikib qurduğum sahibkarlıq obyektlərinin məhv olmasına göz yummasın. Bu obyekt çörək zavodu kimi sənədləşdirilmişdi. Sənədləri də məndə idi. FHN-nin Yevlax-Mingəçevir regional idarələrinin əməkdaşları gəlib bizləri hədələdilər və tikintinin dayandırılmasına qərar verdilər. Məni FHN-nin baş idarəsinə çağırdılar və orada məndən tikintini davam etdirmək üçün 100. 000 min manat rüşvət istədilər. Mən deyilən məbləği vermədim. İki ildir ki, məni get-gələ salıblar, əvvəl 50. 000 min, sonra 30. 000 min manatda dirəşib dayanıblar. Mən məcbur olub obyektin sənədini ev kimi sənədləşdirdim. Bunu hamı bilir ki, bu boyda ev olmaz. Əgər bu zavod fəaliyyətə başlasa burada 100-150 işçi çalışacaq və 7-8 rayonun çörəyə olan tələbatı ödəniləcək. Cənab prezident:Sizdən artıq dərəcədə xahiş edirəm ki, sahibkarlığa dəstək milli fonduna göstəriş verəsiniz ki, mənə bu zavodu tamamlamaq üçün 300. 000 min manat pul versinlər. Həmin məbləğin içərisindən 50. 000 min manatı FHN-nə veriləcək. FHN-nin nümayəndələri bu gün deyə bilərlər ki, onlar məndən pul istəməyiblər. Ancaq məndə bu haqda sübutlar, çəkilişlər var”.
FHN əməkdaşlarının sahibkara qarşı törətdiyi qanunsuzluqlar və tələb olunan rüşvətlə bağlı videomateriallar artıq cumhuriyyet.az-a daxil olub və biz 24saat.org olaraq onların bir hissəsini sizə təqdim edirik. Onu da bildirək ki, Ç.Mayılovun problemləri aşağıda təqdim etdiyimiz videomüsahibədə sadalananlarla bitmir…

Saytların yığılması Saytlarin yigilmasi

İş adamına dövlət tərəfindən maddi yardım edilməməsinin pərdəarxası;
Qərib Məmmədov və Şirzad Abdullayevin qalmaqallı Göyçay səfərləri;
Sahibkarlığa Kömək Milli Fondunun pul vədi və müəmmalı türk iş adamı;
FHN rəsmisinin nazirlik haqda şok etirafları;
FHN Tikintidə Təhlükəsizliyə Nəzarət Dövlət Agentliyinin Asiman adlı əməkdaşı ilə ilginc söhbət;
100 minlik rüşvət tələbi və bazarlaşma;
Ucuz çörək satışı kimlərin biznesinə zərbə vurur?
Mövzunu diqqətdə saxlayaraq bütün bu məsələlərə növbəti yazılarımızda aydınlıq gətirəcəyik.

cumhuriyyet.net


Saytların yığılması Saytlarin yigilmasi

Bənzər məqalələr

Back to top button