“Çörəkverən nazir” kimi tanınmaq üçün əhatəsində olan media subyektlərini istismar edən Fövqəladə Hallar naziri Kəmaləddin Heydərovun müavini Orucəli Hacıyevin oğlu Elvin Hacıyev də müəmmalı şəkildə ölkənin ən qabaqcıl biznesmenlərindən biri çıxdı. Ümumiyyətlə Azərbaycanda iri ranqlı məmur övladlarının “uğurlu biznesmen rolu” barədə yüzlərlə misal göstərmək olar və “24 saat” olaraq biz bu faktların əksərityyəti barədə geniş ictimaiyyətə davamlı məlumat vermişik.

İndi isə Elvin Hacıyev və onun mənşəyi qaranlıq biznes subyektlərinin araşdırmaçı-jurnalist Cavanşir Həsənli tərəfindən yayılan siyahısını təqdim edirik:

Orucəli Hacıyevin oğlu həm də Bakının Zirə qəsəbəsində 4.4 hektarlıq əsasən pomidor yetişdirilən İSTİXANA (“BOL SÜFRƏ” MMC) ilə varlanır;

Qax rayonunda 2000 arı ailəsindən ibarət ARIÇILIQ TƏSƏRRÜFATI və BAL EVİ (“Api Delta Group);

Şurabad qəsəbəsində 30 hektardan artıq sahədə süni göllərdən ibarət NƏRƏ VƏ SAZAN BALIĞI FERMASI (“Babylon Agro”);

SULTANAHMET KÖFTECİSİ – Səbayel rayonu Əbdülkərim Əlizadə küçəsi 16  (“Babylon Group”);

SULTANAHMET KÖFTECİSİ METROPARK (7-ci mərtəbə) –  (“Babylon Group”);

SULTANAHMET KÖFTECİSİ PARK BULVAR (Ticarət Mərkəzinin 3-cü mərtəbəsi) – “Babylon Group”);

“Babylon Group” eyniadlı köftəxanaları Batumidə, Qazaxıstan və Rusiyada da açmaq üçün brend sahibi olan GATE 25 RESTORANI ailəsi ilə razılıq əldə edib.

“Babylon Group” həmçinin Caspian Business Mərkəzində və Kaspi Litseyində katering xidməti göstərir.

Xocalı prospektində, Dəmirçi Towerin 25-cı mərtəbəsində fəaliyyət göstərən GATE 25 bar-restoranı (“BT Project” MMC).

Bakının “Torqovıy” kimi tanınan ərazisində, Rəsulzadə küçəsində fəaliyyət göstərən TARHUN RESTORANI (“Babylon Group”)

TARHUN (METROPARK) adı ilə daha bir restoran Təbriz küçəsindədir.

Nazir müavininin oğlu nizamnamə kapitalı 11688495.00 AZN, illik dövriyyəsi 4 milyon dollar aşan TECHNOİL şirkətinin həmtəsisçisidir. TECHNOİL-un Sumqayıtda, Sülh küçəsində yerləşən müəssisəsi mühərrik və sənaye yağları istehsal edir.

Elvin Hacıyev özünü film industriyasında da sınamağa çalışıb. “Sudan”, “3 Otaq”, “T of Generation”, “Zərdüşt belə deyərdi” kimi qısa metrajlı film ve serialları hazırlayan

Babylon Film (ABŞ-da yaşayan rejissor Orxan Ata ve “Babylon Invest” tərəfindən yaradılıb.

Elvin Hacıyev bir dəfə müsahibəsində bildirib ki, restoran biznesi onun öz təşəbbüsü ilə formalaşıb, ancaq “Babylon Agro” və “Technol” ailəsindən gələn layihələrdir. Yəni bu biznes birbaşa Fövqəladə Hallar nazirinin müavini Orucəli Hacıyev aiddir.”