Kərkük El Məclisinin Kürdüstan Bölgə Muxtariyyəti KBM )bayrağı asması Bağdad mərkəzi rəhbərliyi ilə əlaqələrinin gərginləşməsinə səbəb olub. Doğan Xəbər Agentliyi (DHA) Kərkük El Məclisinin şəhərin İraq Kürdüstan Bölgə Muxtariyyətinə birləşməsi üçün referendum qərarı çıxardığını bildirib. Referendum qərarının verildiyi yığıncağın türkmən və ərəb üzvlər tərəfindən boykot edildiyi də ifadə edilir.
DHA-ya görə Kərkük El Məclisinin sədri Rebvar Talabani “bu günkü iclasda yekdilliklə Konstitusiyanın 140-cı maddəsi daxilində Kərkükdə referendum keçirilməsi qərarı qəbul olunub” deyib.
Talabani ayrıca keçmiş baş nazirlər İbrahim Cəfəri və Nuri Maliki dövründən gündəmdə olan 140-cı maddənin tətbiq olunmasının gecikdirildiyini önə sürərək, “Kərkük xalqının başının qatılmasına gücü qalmadı” söyləyib. Xəbərlərə görə Məclis İraq Parlamentinin Kərkükdəki dövlət binalarına KBM bayrağının asılmasını qadağan edən qərarını da tanımadığını açıqlayıb.
azadliq.info
24saat.org
Mənbə – azadliq.info