Kampaniya zamanı MHP-nin iki qütbü arasında dava olub
Türkiyədə referendum kampaniyası çərçivəsində keçirilən görüşlərin birində növbəti gərginlik yaşanıb.
MHP-dən ixrac edilən keçmiş millət vəkili Sinan Oğanın “ Hayırlı Anadolu yürüyüşü” proqramları çərçivəsində Yozqatda çıxış edəcəyi salon qarşısında dava düşüb.
Toplantıdan əvvəl burada toplanan bir qrup MHP-li gənclərlə Oğan tərəfdarları arasındakı qarşılıqlı səsləndirilən şüarlardan sonra qalmaqal yaranıb. Araya girən polis hər iki qrupu ayırmaq istəyib. MHP-li gənclərin çubuq və yumruq zərbələrinə məruz qalan 2 polis yaralanıb.
Toplantı salonunun qarşısında daha əvvəldən təhlükəsizlik tədbiri alan Çevik Qüvvətlərin müdaxiləsi nəticəsində davanın qarşısı alınıb.
Toplantıya Sinan Oğan Alparslan Türkeşin qızı Çağrı Türkeşlə bərabər gəlib.
azadliq.info
24saat.org
MƏNBƏ
