SEÇMƏ

Keçmiş deputatın oğlu prezidentin köməkçisi oldu

Yayımlandı: 17 Noyabr 2022 17:12

Xalid Əhədovun atası vaxtilə Müsavatın Divan üzvü idi

Xalid Əhədov Azərbaycan Prezidentinin sosial-iqtisadi məsələlər üzrə köməkçisi təyin edilib.

Dövlət başçısı İlham Əliyev noyabrın 17-də bununla bağlı sərəncam imzalayıb.

Xalid Əhədov 1980-ci ildə anadan olub. O, 2000-ci ildə Azərbaycan Dövlət İqtisad Universitetini bitirib.

X.Əhədov 2010-2012-ci illərdə Instituto de Empresa (IE) biznes məktəbində təhsili alıb.

O, 2018-ci ildə Birinci vitse-prezident Mehriban Əliyevanın köməkçi təyin olunub.

X.Əhədovun atası Nurəddin Əhədov həkimdir, hazırda “YAŞAM” Tibb Mərkəzinin kardioloqudur.

O, 1995-2005-ci illərdə Müsavat Divanının üzvü və bir müddət partiyanın Nəsimi rayon təşkilatının rəhbəri olub.

Nurəddin Əhədov həmçinin 1990-1995-ci illərdə Milli Məclisin deputatı olub.

Müsavat Partiyasının başqanı Arif Hacılı Meydan TV-yə deyib ki, Nurəddin Əhədov peşə fəaliyyəti ilə əlaqədar son dövrlərdə siyasətlə məşğul deyil.

Meydan TV

Gözdən qaçırmayın:  Büdcədən Kino Agentliyinin fəaliyyətinə 100 min manat ayrıldı

This site uses Akismet to reduce spam. Learn how your comment data is processed.

Back to top button