Khamenei Səudiyyə liderlərinə ‘səfeh’ dedi
İranın ali dini lideri Səudiyyə Ərəbistanı liderlərini, Birləşmiş Ştatlarla müttəfiq olduqlarına görə “səfeh” və “dəyərsiz” adlandırıb. Ayatollah Ali Khamenei mayın 27-də deyib ki, bu siyasət sonucda onların “tam iflası”na aparacaq.
Səudiyyəliləri ABŞ-la 110 milyard dollarlıq müdafiə və silah sazişi bağladığına görə Khamenei onların “amerikalılardan ötrü sağmal inək” olduğunu vurğulayıb. Həmin saziş prezident Donald Trump-ın mayın 20-də Səudiyyəyə səfəri zamanı imzalanıb.
“Ona görə səfehdirlər ki, İslamın düşmənlərini pulla əldə edəcəklərinə inanırlar”, – yarırəsmi Fars xəbər agentliyinin yazdığına görə, ali dini lider deyib.
“İslamın düşmənlərinə səmimi davranır, Bəhreyn və Yəmənin müsəlman əhalisinə isə bunun əksini göstərirlər”, – Khamenei Ramazan ayının başlanması münasibətiylə dini toplantıda söyləyib. Onun sözlərinə görə, “onlar mütləq iflas edəcəklər”.
Elə həmin gün İranın yeni seçilmiş prezidenti Hassan Rohani Qətər əmirilə telefon söhbətində Fars Körfəzi ölkələriylə münasibətlərin yaxşılaşdırılmasına çağırıb.
24saat.org
Mənbə – azadliq.org