2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
İqtisadiyyat

Kolbasanın və balığın qiymətində bahalaşma gözlənilir

Azərbaycanda toyuq ətindən hazırlanan kolbasa və sosislərin qiymətində bahalaşma gözlənilir. Bu barədə redaksiyamıza daxil olan məlumatda deyilir ki, bunun səbəbi ölkəyə idxal olunan toyuq ətinin rüsumunun artırılmasıdır. Ticarətçilər deyir ki, növbəti aydan kolbasa və sosislərin qiymətində əhəmiyyətli artım olacaq. “İndidən qiymətləri qaldıran şirkətlər də var. Amma bu o qədər də ciddi artım deyil. Güman ki, gələn aydan onlar növbəti dəfə qiymət artımına gedəcəklər. Əslində istehsalçıları qınamaq mümkün deyil. Kolbasa və sosislərin hazırlanması üçün ölkəyə idxal olunan xammal artıq əvvəlki qiymətdə deyil. İdxal rüsumlarının artırılması bahalaşmaya səbəb olub. Şirkətlər də məcburiyyət qarşısında qalıb məhsullarının qiymətini artırırlar”, – deyə ticarətçilər bildirib.

Balığın qiymətində də artım olacağı gözlənilir. Bunun səbəbi isə süni balıq göllərinin ləğvi ilə bağlıdır. Qeyd edək ki, məsələ bu günlərdə kənd təsərrüfatı üçün yararlı torpaq sahələrinin başqa məqsədlərlə istifadəsinin dayandırılması və yenidən əkin fonduna qaytarılması siyasəti çərçivəsində gündəmə gəlib. Ləğv edilmiş balıqçılıq təsərrüfatların tutduğu ərazilər əkin fonduna veriləcəyi deyilir.

Əmlak Məsələləri Dövlət Komitəsinin məlumatına görə, araşdırmalar nəticəsində indiyədək respublika üzrə 304 balıq gölünün yaradıldığı müəyyən edilib. Belə süni balıq göllərinə ən çox Neftçala, Salyan, Biləsuvar, Hacıqabul, Saatlı, Sabirabad, İmişli və Yevlax rayonlarında rast gəlinir.

Saytların yığılması Saytlarin yigilmasi

Azadliq.info

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button