Loading...
Loading...
Gündəm

Kürdəxanı sakinləri: “Mehriban xanım tapşırıq verdi, AAYDA icra etmədi”

“Sabuncu rayonu Kürdəxanı qəsəbəsi ACCOPEN-lə üzbəüz 5-10 min əhalinin məskunlaşdığı məhəllə yayda toz-torpaq, qışda isə palçıq və bataqlıq içində olur”.

Bunu qəsəbənin sakinləri “Arqument.az”a deyiblər. 

Sakinlər deyirlər ki, uzun illərdir şikayətlərinə məhəl qoylmur. 

“Yağmurlu havalarda bataqlıq o həddə olur ki, sakinlər qaloş və sellofandan istifadə edirlər. Yaz  və yay aylarında isə toz-torpaqdan tərpənmək olmur. Məhz toz-torpaq olduğu üçün də qışda bura bataqlığa çevrilir. Dövlət qurumlarına müraciətlərimizə isə baxılmır”, – Kürdəxanı sakimləri belə deyirlər.

Onların sözlərinə görə, məhəllədə antisanitariya da hökm sürür: “İndiyə qədər nə yol çəkilib, nə də kanalizasiya xətləri var. Qurum qalmayıb ki, müraciət etməyək. Amma faydası yoxdur. Unudublar bizi. 21-ci əsrdə paytaxtın bir qəsəbəsində asfalt yol yoxdur. Bilirsiniz bu nə deməkdir”.

Sakinlər deyirlər ki, ötən il Birinci vitse-prezident Mehriban Əliyeva yolun təmir edilməsi barədə göstəriş verib, amma tapşırıq icra olunmayıb.

Onlar bu məsələdə yerli icra hakimiyyətini və Azərbaycan Avtomobil Yolları Dövlət Agentliyini (AAYDA) günahlandırırlar: “2020-də Mehriban xanım Kürdəxanıya səfəri zamanı tapşırıq verdi ki, Kürdəxanın bütün yaşayış məhəllələri asfaltlansın, amma AAYDA verilən tapşırıqı icra etmədi”.

Azərbaycan Avtomobil Yolları Dövlət Agentliyindən məsələyə münasibət öyrənmək mümkün olmayıb. 

Gözdən qaçırmayın:  Azərbaycanın Xarkovdakı konsulluğunun yaxınlığına raket düşüb

This site uses Akismet to reduce spam. Learn how your comment data is processed.

Back to top button