Siyasət
Kurt Tong Azərbaycana gəlir
ABŞ dövlət katibinin iqtisadi və biznes məsələləri üzrə köməkçisinin məsul müavini Kurt Tong aprelin 14-də Azərbaycana gələcək.
ABŞ-ın Azərbaycandakı səfirliyindən verilən məlumata görə, K.Tong səfər çərçivəsində hökuməti rəsmiləri və biznes nümayəndələri ilə görüşəcək.
Onun həmçinin, azərbaycanlı tələbələrlə də görüşəcəyi, ölkədəki iqtisadi vəziyyət, islahatlar və iqtisadiyyatın diversifikasiyası sahəsində aparılan işlərlə tanış olacağı da gözlənilir.
K.Tong habelə ABŞ-ın Azərbaycanın iqtisadi inkişafına dəstəyinin təkmilləşdirilməsi imkanlarını da müzakirə edəcək.
Səfər aprelin 15-də başa çatacaq.
