Latviyada çadra qadağan olunur
Latviya Nazirlər Kabineti qadınların ictimai yerlərdə üzünü tamamilə örtən geyimdə gəzməsinə qadağa qoyan qanun layihəsini dəstəkləyib.
“RİA Novosti” verdiyi xəbərə görə, Ədliyyə Nazirliyinin hazırladığı sənədə əsasən, motosikletçilər üçün kaska, xidməti öhdəliklərin yerinə yetirilməsi zamanı, idmanda, bədii və mədəniyyət tədbirlərində iştirak etmək üçün istifadə olunan baş örtükləri, habelə hava şəraiti və ya səhhətlə əlaqədar geyilən baş örtüklərinə qadağa şamil edilmir.
Lakin qanun layihəsi qadınların məbədlərdə və dini fəaliyyətin keçirildiyi hər-hansı məkanlarda üzlərini tamamilə örtən geyimlərdən istifadəsini qadağa etmir.
Nazirlər Kabineti qeyd edir ki, qanun layihəsi cəmiyyət üzvləri arasında açıq ünsiyyət qurmaq məqsədi ilə qəbul olunub. “Qanun layihəsi cəmiyyət üzvləri arasında birlik və harmonikliyin yaradılması məqsədini güdür”, – deyə hökumətdə bildirilir.
Qanun layihəsi təsdiqlənməsi üçün Seymə təqdim edilib.
24saat.org
Mənbə – azadliq.info
