2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Dünya

Lavrov İrandadır

Moskva ötən ay deyirdi ki, Rusiya ilə İran neft və qaz təchizatı mübadiləsini, eləcə də logistika habı yaratmağı müzakirə ediblər

Saytların yığılması Saytlarin yigilmasi

Rusiyanın Xarici işlər naziri Sergey Lavrov iyunun 22-də İrana gedib. Bu səfər İranın dünya gücləri ilə 2015-ci il nüvə sazişini dirçəltməyi hədəfləyən danışıqlar fonunda baş verir.

Lavrov ölkənin sərt xətt tərəfdarı prezidenti İbrahim Rəisi ilə görüşüb, amma görüşün detalları açıqlanmayıb.

Avrasiya regionu və Qafqazda əməkdaşlıq

IRNA dövlət xəbər agentliyi Lavrovun iyunun 23-də iranlı həmkarı Hüseyn Amir-Abdullahyanla görüşəcəyini xəbər verir.

İran rəsmiləri ilə danışıqlarda nüvə sazişi, eləcə də ikitərəfli və enerji əməkdaşlığının gücləndirilməsi müzakirə olunacaq, İranın dövlət mediası belə yazır.

İranın Xarici İşlər Nazirliyi həftənin əvvəlində bildirmişdi ki, Lavrovun səfərində məqsəd “Avrasiya regionu və Qafqazda əməkdaşlığı genişləndirməkdir”.

Lavrovun iyunun 23-24-də Bakıya səfər edəcəyi gözlənir.

Logistika habı

Moskva ötən ay deyirdi ki, Rusiya ilə İran neft və qaz təchizatı mübadiləsini, eləcə də logistika habı yaratmağı müzakirə ediblər. Hər iki ölkə hazırda Qərbin sanksiyaları altındadır.

Rusiya fevralın sonunda Ukraynaya hücum edəndən sonra sanksiyalarla üzləşib. İrana sanksiyalar isə 2018-ci ildə Vaşinqton nüvə sazişindən birtərəfli qaydada çıxandan sonra bərpa olunub.

Rusiya XİN-in sözçüsü Mariya Zaxarova demişdi ki, Rusiya və İran diplomatları bir sıra təcili beynəlxalq məsələləri, o cümlədən nüvə sazişinin bərpasını, Ukrayna, Suriya, Əfqanıstan və Yəməndəki vəziyyəti müzakirə edəcəklər.

Nüvə sazişi üzrə İranla ABŞ arasında vasitəçiliklə aparılan danışıqlar martdan dayanıb. Ən mübahisəli məqam Tehranın Vaşinqtondan İslam İnqilab Keşikçiləri Korpusunu terrorçu təşkilatçılar siyahısından çıxarmasını tələb etməsidir.

24 saat” “
Lavrov İrandadır
” başlıqlı yazını “AzadliqRadiosu”na istinadən dərc edib

Xeberler

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button