Lavrov-un təyyarəsi Estoniya sərhədini pozub?
Estoniya mayın 5-də bildirib ki, Rusiyanın xarici işlər naziri Sergei Lavrov-u Finlandiyaya aparan sərnişin təyyarəsi onun sərhədini qısa müddətə pozub.
Mayın 3-də baş verdiyi bildirilən insident NATO üzvü olan Estoniyanın hava məkanının bu il pozulmasıyla bağlı ilk iddiadır. Ötən il Estoniya yeddi belə bir insidentlə bağlı açıqlama yaymışdı.
Rusiyanın Xarici İşlər Nazirliyi isə hər hansı müdaxilənin olmadığını, Lavrov-un təyyarəsinin öncədən razılaşdırılmış marşrut üzrə uçduğunu, üstəlik, həmin xətdən çıxmaqla bağlı heç bir xəbərdarlıq alınmadığını bildirib.
Estoniya ordusu isə təyyarənin uçuş planı təqdim etmədiyini, heç bir radio əlaqə yaratmadığını vurğulayıb.
Estoniya Xarici İşlər Nazirliyi insident barədə Tallindəki Rusiya Səfirliyinə nota göndərib.
24saat.org
Mənbə – azadliq.org