Rusiya ilə ABŞ arasında tanqo rəqsi mövzusunda söz atışması olub.
“Ölkə.Az” xəbər verir ki, Rusiyanın xarici işlər naziri Lavrov amerikalı həmkarı Tillerson ilə arasında baş verən tanqo rəqsinə dair söz atışmasına davam edib. Lavrov anasının kişilərlə rəqs etməsini qadağan etdiyini, amma Tillersona rəqs etməyi öyrədə biləcəyini söyləyib.
Lavrov ilə Tillerson arasında tanqo rəqsinə aid söz atışması ötən həfə Brüsseldə təşkil edilən NATO xarici işlər nazirlərinin görüşündə baş verib. Siyasətçilərdən biri Tillersona Rusiya ilə yaxşı münasibətlər qurmağa dair “tanqo rəqsi iki nəfərlikdir” ifadəsindən istifadə edib. Tillerson isə cavab olaraq deyib: “Rusiya rəqs edə bilər və bundan bəzi gəlirlər əldə edə bilərsiniz. Amma Lavrovla tanqo rəqsi oynaya bilməzsiniz. Çünki onun bu rəqsi ifa etməyə icazəsi yoxdur”.
Lavrov isə Tillersonun sözlərinə cavab verib: “Anam kişilərlə rəqs etməyimi qadağan edib. Əgər Reks Tillerson heç kəslə rəqs edə bilməyəcəyini düşünürsə, kömək etmyə hazırıq. Tillerson qısa müddətə öyrənən biri olduğunu isbat edəcəkdir”.
