O, birinci sıraya keçib, bombanı partladıb və özü ilə bərabər onlarla insanı öldürüb. Günorta namazı zamanı baş verən qətliam Pakistanı heyrətə salıb.
Milli mətbuatda yer alan xəbərə görə, dünən günorta namazı zamanı şəhərin Polis Xəttləri ərazisində məscidə intiharçı hücumundan sonra axtarış-xilasetmə işləri davam edir.
Xəstəxana rəsmisi intihar hücumunda həyatını itirənlərin sayının 83-ə yüksəldiyini açıqlayıb. Yerli səlahiyyətlilər, təxminən 150 yaralının müalicəsinin davam etdiyini bildirdi.
Hücumun dünən yerli vaxtla saat 13.00-da baş verdiyini bildirən səlahiyyətlilər, hücumçunun məscidin birinci cərgəsində olduğunu və həmin vaxt bombanı işə saldığını açıqlayıb.
Hayber Paxtunxva hökuməti bütün ştatda matəm günü elan edib.
Pişəvər polis rəisi Məhəmməd İjaz Xan partlayışdan sonra məscidin damının uçduğunu və dağıntılar altında qalanların xilas edilməsi üçün işlərin davam etdiyini bildirib.
Han regional təhlükəsizlik qüvvələri və terrorla mübarizə bölməsi ilə eyni kampusda yerləşən məscidə bombanın necə yerləşdirildiyini araşdırdıqlarını bildirib.
Pakistan Talibanının (TTP) üzərinə götürdüyü hücumun xarici işlər naziri Bilaval Bhutto Zərdari Rusiyada səfərdə olarkən baş verməsi diqqət çəkib.
Son zamanlar hücumlarını artıran TTP, 28 noyabr 2022-ci il tarixində sosial mediada İslamabad rəhbərliyi ilə 10 may 2022-ci ildə başlatdığı atəşkəsin sona çatdığını və üzvlərinə ölkə daxilində təhlükəsizlik qüvvələrinə hücum əmri verdiyini açıqladı.
Pakistan TTP-ni terror təşkilatı hesab edir.
İslamabadda yerləşən Təhlükəsizlik Araşdırmaları və Tədqiqat Mərkəzinin (CRSS) paylaşdığı məlumatlara görə, 2022-ci ildə Pakistanda 506 terror aktı nəticəsində 290-ı təhlükəsizlik qüvvələrinin üzvü və 311-i mülki şəxs olmaqla 601 nəfər həlak olub, 741 nəfər yaralanıb.
Hücumların əksəriyyəti Əfqanıstan-Pakistan sərhəd bölgələrində həyata keçirilib. TTP, Bəlucistan Azadlıq Ordusu (BLA) və DEAŞ-H kimi təşkilatlar bu hücumların əksəriyyətinə görə məsuliyyəti öz üzərinə götürüb.
Tərcümə“24 SAAT”