Məşhur müğənni 100 min dollar cərimə ödəyəcək
Kanadalı məşhur ifaçı Castin Biberin hərəkəti növbəti dəfə qalmaqala səbəb olub. ANS PRESS-in məlumatına görə, ifaçı məhkəmə qarşısına çıxacaq. Müğənni Robert Morqan adlı bir şəxsin smartfonunu sındırmaqda ittiham olunur.
Məlumata görə, zərəçəkmiş şəxs tanınmış müğənnidən mənəvi və fiziki ziyanı ödəmək üçün 100 min dollar tələb edib. Morqan Castin Biber ilə birlikdə gecə klublarının birində olub. İfaçı klubda təsadüfən üzərinə pivə dağıdıb. Morqan dərhal telefonu ilə müğənninin bu vəziyyətdə şəklini çəkmək istəyib. Lakin Biber gənc oğlanın əlindən telefonu alaraq onu yerə atıb. Nəticədə telefon sınıb. Castin Biber hələlik bu barədə rəy bildirməyib.
Kanadalı müğənni, aktyor və model C.Biberin karyerası, “YouTube” video paylaşım saytına qoyduğu videolarının 2008-ci ildə Skot Braun tərəfindən kəşf edilməsi ilə başlayıb. Daha sonra Skot Braun Castin Biberin meneceri olub. 2010-cu ildə Castin Biber MTV Avropa Musiqi Mükafatlarında “İlin Kişi Sənətçisi” mükafatını qazanıb.