Biləsuvarın icra hakimi Mahir Quliyev Cəlilabad icra başçısı Əziz Əzizova hektarlarla ərazi peşkəş edib. 24saat.org-a daxil olan xəbərə görə, Biləsuvarda pay torpaqlarının bir hissəsi Əziz Əzizova satılıb.
Ə.Əzizovla M.Quliyevin torpaq alveri barəsində Prezident Administrasiyasında məlumatlıdırlar. Əkin üçün yararlı torpaqların məmurlardan geri alınmasına dair fərman icra olunacağı halda iki icra başçısının sövdələşməsi pozulacaq.
Hazırda sakinlər imza toplayır və dövlət başçısına rəsmi surətdə müraciət hazırlanır. Müraciət əsasında Baş Prokurorluq yanında Korrupsiyaya qarşı Mübarizə İdarəsi tərəfindən araşdırma başlana bilər.
Bu prosesdə Ə.Əzizovla M.Quliyevin günah keçisi kimi bələdiyyə sədrlərini qurban verəcəyi də gözlənilir. Lakin indiki halda hər iki məmurun özbaşınalığı barədə müfəssəl məlumatlar PA-ya çatdırılıb.
İcra hakimi Mahir Quliyevin özbaşına əməlləri barəsində prezident İlham Əliyevə və Prezident Administrasiyası rəhbəri Ramiz Mehdiyevə biləsuvarlılar adından müraciət hazırlanır.
Bu məktub isə PA rəhbəri ilə ölkə başçısının müşavirələrdə icra başçılarına etdiyi xəbərdarlıqdan az sonrakı dövrə təsadüf edir.
Sakinlərin hazırladığı müraciətdə torpaqların konkret olaraq hansı məmurlara bağışlandığı və ya satıldığı müfəssək şəkildə açıqlanıb.
Şübhə doğurmur ki, Mahir Quliyev özünü də düşünüb, hektarlarla ərazi ayırıb. Amma ilk növbədə qonşu rayonlardakı məmurlar pay götürüb.
