Loading...
Loading...
SEÇMƏ

Makron: “Rusiya-Ukrayna müharibəsi payızda daha ağır olacaq”

Yayımlandı: 14 İyul 2022 18:39

Fransa Prezidenti Ukraynaya kömək edəcəyini deyib

“Rusiyanın Ukraynaya qarşı müharibəsi davam edəcək”.

Bunu Fransa Prezidenti Emmanuel Makron Bastiliyanın alınması günü ilə bağlı müsahibəsində deyib.

Onun sözlərinə görə, müharibə payızın əvvəlində daha ağır olacaq və bu prosesə hazır olmaq lazımdır.

“Mən deyirəm ki, müharibə davam edəcək, lakin Fransa hər zaman Ukraynaya kömək edəcək”, – deyə Makron əlavə edib.

Xatırlatma

Rusiya Prezidenti Vladimir Putin Ukraynanın şərqindəki separatçı qurumları tanıdığını bəyan etdikdən 2 gün sonra, fevralın 24-də Ukraynaya qarşı müharibəyə başlayıb.

Dünyanın əksər ölkəsi Rusiyanın hücumunu pisləyib. Bundan sonra Avropa Birliyi ölkələri, eləcə də ABŞ Rusiyaya qarşı sanksiyalar tətbiq edib.

600-dən çox rusiyalı oliqarx, yüksək rütbəli hərbçilər, şirkət sahibləri, biznesmenlərlə yanaşı, Rusiya Prezidenti Vladimir Putin və xarici işlər naziri Sergey Lavrov sanksiyalara məruz qalıblar. Rusiyada təşkil olunacaq yarışlar təxirə salınıb, bu ölkənin adı mühüm tədbirlərdən və təşkilatlardan çıxarılıb.

Aprelin 7-də isə BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib.

Rusiya isə Avropa Şurası üzvlüyündən çıxıb.

Rusiya ordusunun Buça və digər Ukrayna şəhərlərində kütləvi qətliamlar və müharibə cinayətləri törətdiyi iddia olunur.

İyunun 25-də Avropa İttifaqının 12 ölkəsi Rusiya qazının tədarükündən tamamilə və ya qismən imtina edib.

Meydan TV

Gözdən qaçırmayın:  Məhkəmə Ember Herdin şikayətini rədd edib

This site uses Akismet to reduce spam. Learn how your comment data is processed.

Back to top button