Mayın 22-si bəzi küçələr bağlanacaq
IV İslam Həmrəyliyi Oyunlarının bağlanış mərasimi günü – mayın 22-də Bakının bəzi yollarında nəqliyyatın hərəkətində məhdudiyyətlər tətbiq olunacaq. Bununla bağlı Bakı Nəqliyyat Agentliyi və Bakı Şəhər Baş Polis İdarəsi açıqlama yayıb.
Açıqlamaya görə, mayın 22-də Heydər Əliyev prospektinin “Excelsior” otelinin qarşısındakı yol qovşağından Sabunçu dairəsinədək olan hissəsi və Neftçilər prospekti “Azneft” meydanından Yusif Səfərov küçəsinə qədər günorta saatlarından sonra nəqliyyata bağlanacaq.
IV İslam Həmrəylik Oyunlarının rəsmi açılışı mayın 12-də olub. Onda da paytaxtın bəzi mərkəzi küçələri nəqliyyata bağlanmışdı.
Bu idman yarışları ilə bağlı Azərbaycana 54 islam ölkəsindən 3 mindən yuxarı idmançı gəlib. Yarışlar idmanın 21 növü üzrə keçirilir.
24saat.org
Mənbə – azadliq.org
