Siyasət
Mehman Hüseynov öz məhkəməsində iştirak etmək istəyir, amma…
Həbsdə olan bloqqer Mehman Hüseynov Ali Məhkəmədə kassasiya şikayətinə baxılarkən özü də prosesdə iştirak etmək istəyir. Bundan ötrü Ali Məhkəməyə məktub da göndərib. Amma iyunun 5-də keçirilən məhkəməsinə M.Hüseynovu gətirməyiblər.
Məhkəmədə məlum olub ki, Mehmanın həbsinin səbəbkarı – bloqqerin böhtan atdığını iddia edən Nəsimi Rayon Polis İdarəsinin rəisi Musa Musayev və onun vəkili də iştirak etmir.
M.Hüseynovun vəkili Fuad Ağayev bildirib ki, xüsusi ittihamçı olan polis rəisi onsuz da heç bir məhkəməyə gəlməmişdi. Bu üzdən onun və nümayəndəsinin iştirak edib-etməməsi əhəmiyyətli deyil.