2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Manşet

Mehman Hüseynova daha ağır ittiham irəli sürüldü

Bloger quru aclıq edir

Mehman Hüseynova Cinayət Məcəlləsinin 315.2 yox, daha ağır olan 317.2  maddəsi ilə ittiham olunub. (Cəzaçəkmə müəssisələrinin və istintaq təcridxanalarının əməkdaşına həyat və sağlamlığı üçün təhlükəli olmayan zor tətbiq etmə).

Vəkillər Fuad Ağayev və Şəhla Hümbətova dekabrın 28-də 2 il azadlıqdan məhrum olunan bloger Mehman Hüseynovla görüşüblər. 24saat.org xəbər verir ki,  vəkil Fuad Ağayev görüş barədə Meydan TV-yə danışıb O deyib ki, Cəzaçəkmə müəssisələrinin və istintaq təcridxanalarının normal fəaliyyətini pozma” adlanan maddə 5 ildən 7 ilə qədər cəza nəzərdə tutur.

Vəkil onların istintaqa vəsatətlər verdiyini söyləyib:

Saytların yığılması Saytlarin yigilmasi

“Biz müəssisənin girişində, növbətçi hissəsində və meydançasındakı müşahidə video kameralarının 26 dekabr səhər 6-dan axşam 6-ya qədər müddətə əldə olunması haqda vəsatətlər verdik”.

Fuad Ağayev Mehman Hüseynovun quru aclıq etdiyini bildirib:

“Artıq 3 gündür ki, nə yemək yeyir, nə də su içir. Qərarı qətidir, deyir ki, haqsızlıq aradan götürülməsə, dayandırmayacaq”.
Vəkilin sözlərinə görə, M.Hüseynov qarşılaşdığı qanunsuzluqla əlaqədar Ombudsman Elmira Süleymanova, prezident İlham Əliyev və Birinci vitse-prezident Mehriban Əliyevaya məktub yazıb. Məktublar vəkillərin yanında 14 saylı Cəzaçəkmə Müəssisəsinin müdiriyyətinə təqdim olunub.

Vəkillər Şəhla Hümbətova və Fuad Ağayeva
Vəkillər Şəhla Hümbətova və Fuad Ağayeva

Dekabrın 26-da 14 saylı Cəzaçəkmə Müəssisəsində insident yaşanıb. Penitensiar Xidmətin yaydığı məlumata görə, bloger müəssisənin Rejim-nəzarət şöbəsinin böyük inspektoru, ədliyyə leytenantı Əli Ələddin oğlu Abdalovun qanuni tələblərinə tabe olmayıb. İddia edilir ki, Mehman Hüseynov ona qarşı zor tətbiq edib, fiziki müqavimət göstərərək sonuncuya bədən xəsarəti yetirib.

Məlumatda bildirilir ki, Mehman Hüseynovun üzərində axtarış aparılan zaman saxlanılması qadağan olan 461 manat məbləğində pul aşkar edilərək götürülüb.

Faktla bağlı Cinayət Məcəlləsinin 317.2-ci maddəsi ilə cinayət işi başlandığı bildirilir. Bu maddə 5 ildən 7 ilədək azadlıqdan məhrumetmə cəzasını nəzərdə tutur. İlkin məlumatda blogerə qarşı irəli sürülmüş maddə 315.2 (hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olan zor tətbiq etməklə müqavimət göstərmə) kimi göstərilmişdi.

M.Hüseynov 2017-ci il martın 3-də Suraxanı Rayon Məhkəməsinin qərarı ilə 2 il azadlıqdan məhrum edilib.

Bloger Nəsimi Rayon Polis İdarəsinin rəisi Musa Musayevin şikayəti əsasında həbs edilib.

Apelyasiya Məhkəməsi həmin hökmü qüvvədə saxlayıb. Ancaq Ali Məhkəmə blogerin kassasiya şikayətini qismən təmin edib, işi yenidən Apelyasiya Məhkəməsinə qaytarıb.

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button