Associated Press (AP) agentliyinin açıqladığı qeyri-rəsmi nəticələrə görə, Ohayo və Şimali Karolina ştatlarında keçirilən seçkilərdə respublikaçılar qalib gəlib.
Nyu-Hempşir, Oreqon və Havay ştatlarında Demokratlar daha 3 mandatı saxlayıb, Demokrat namizədlər seçkilərdə qalib gəlib.
Daha əvvəl açıqlanan nəticələrə görə, Respublikaçı namizədlər Florida, Alabama, Cənubi Karolina, Kentukki, İndiana, Arkanzas, Kanzas, Şimali Dakota, Cənubi Dakota, Missuri, Luiziana, Aydaho və Ayova ştatlarında qalib gəliblər. Bundan başqa, Respublikaçılar Oklahoma ştatında 2 yerə sahib olublar.
Digər tərəfdən, Konnektikut, İllinoys, Vermont, Merilend, Nyu-York, Kolorado və Kaliforniyada seçkilərdə demokratlar qalib gəlib.
Seçkilərdə kritik əhəmiyyət kəsb edən ştatlardan biri olan Pensilvaniyada da nəticələr açıqlanıb. ABŞ mətbuatı Demokrat Fetterman və Respublikaçı Mehmet Özün yarışdığı ştatda Fettermanın qalib olduğunu açıqlayıb.
Bu inkişafla Senatda kimin çoxluğa sahib olacağının müəyyənləşdirilməsi baxımından gözlər Gürcüstandakı nəticələrə çevrildi.
Hazırkı qaydada Senatda 50 respublikaçı və 50 demokrat senator var. 51 senatora çatan partiya da Konqresin bu palatasında çoxluğa sahib olacaq.
Belə ki, indiyədək açıqlanan nəticələrə əsasən, respublikaçılar 17, demokratlar isə 10 yer qazanıblar. Elan edilmiş nəticələrlə həm Respublikaçılar, həm də Demokratlar hərəyə 46 yer qazanıb.
Xalq 435 yerlik Nümayəndələr Palatasının tamamı və 100 yerlik Senatda 35 yer üçün səsverməyə getdi. Senatdakı 6 illik səlahiyyətlərini başa vurmayan 29 Respublikaçı və 36 Demokrat seçkilərə qatılmayıb.
Mənbə: AA
Tərcümə“24 SAAT”
