Meksikanın Quanaxuato əyalətində yerləşən Apaseo El Alto şəhərində silahlı şəxs Lexus barına hücum edib. Hücumda 9 nəfər həyatını itirib, 2 nəfər yaralanıb. Hücumdan sonra mikroavtobusla qaçan silahlı basqınçıların hadisə yerində karton üzərində yazılı mesaj qoyub getdiyi bildirilib. Qalan mesaja görə, hücumun bölgədə fəaliyyət göstərən iki kartel arasında qarşıdurma olduğu düşünülür.
Quanajuato Əyalət Baş Prokurorluğundan verilən açıqlamada, federal və əyalət vahidlərinə bağlı təhlükəsizlik qüvvələrinin hadisə yerində araşdırmalar apardığı, hadisənin aydınlaşdırılması üçün istintaqın davam etdiyi bildirilib.
Oktyabrın 15-də Quanaxuato əyalətinin İrapuato şəhərində bara silahlı basqın nəticəsində 12 nəfər ölüb, 3 nəfər yaralanıb. Hadisənin kartellər arasında qarşıdurma olduğu bildirilib. Meksikanın Quanaxuato əyalətində ölkənin ən güclü karteli olan Jalisco Next Generation Carte (CJNG) ilə Santa Rosa de Lima Karteli (CSRL) arasında regionun üstünlüyü üzərində uzun müddətdir münaqişə var. (İHA)
Tərcümə“24 SAAT”