Merkel Səudiyyə qadınları üçün bir model
Səudiyyə Ərəbistanının İqtisadiyyat nazirinin müavini Məhəmməd əl Tuvaycri “Der Spiegel” jurnalına verdiyi müsahibədə Almaniyanın Baş naziri Angela Merkelin “bütün Səudiyyə qadınları” üçün model, örnək olduğunu söyləyib. Merkelin isə bu gün Səudiyyə Ərəbistanındakı görüşmələrini tamamlayaraq Birləşmiş Ərəb Əmirliklərində keçməsi gözlənilir
Səudiyyəli nazirin Merkeli ölkəsinin qadınları üçün model olaraq tərifləməsi alman mətbuatında “qadın hüquqlarının hədsiz pis olduğu bir ölkədən” edilən ironik bir açıqlama kimi şərh edildi.
Almaniyanın Baş naziri Angela Merkelin Səudiyyə Ərəbistanındakı rəsmi təmaslarda gündəmə gətirdiyi mövzular arasında DEAŞ ilə mübarizə, Suriyadakı vətəndaş müharibəsi, Səudiyyə Ərəbistanının Yəməndəki rolu və başqa ölkələrdə radikal İslamçı hərəkatlara dəstək iddiaları kimi müxtəlif məsələlər var.
Merkelin iqlimin qorunması və Səudiyyə Ərəbistanında qadın hüquqları kimi məsələlərdən də bəhs edəcəyi planlaşdırılır. Baş naziri alman iqtisadiyyat dünyasının yüksək səviyyəli nümayəndələrdən ibarət bir heyət müşayiət edir.
azadliq.info
24saat.org
Mənbə – azadliq.info