Almaniyanın kansleri Angela Merkelin sədri olduğu Xristian-demokrat İttifaqı partiyasına 9500 avro üzvlük haqqı borcu yığılıb. Musavat.com xəbər verir ki, məlumatı “Bild am Sonntag” yayıb.

2014-cü ildə Merkelin borcu 4500 avro olub.

2013-cü ildə Xristian-demokrat İttifaqı nizamnaməsində dəyişiklik edib. Düzəlişlərə əsasən, federal hökumətin üzvləri partiya xəzinəsinə maaşlarının 6%-ini ödəməlidirlər.

Nəşrin məlumatına görə, Merkelə dəyişikliklərlə bağlı məlumat verilməyib. Ona görə də əlavə ödənişin partiyanın xəzinəsinə ödənilməsi barədə razılıq əldə edilib.

Qeyd edək ki, satiriklə son qalmaqaldan sonra Merkelin reytinqi kəskin azalıb.