3 may Dünya Mətbuat Azadlığı günündə Meydan TV mükafat qazanıb

Saytların yığılması

“Fritt Ord” fondunun hər il ənənəvi olaraq mətbuat günündə verdiyi mükafatın digər qalibləri jurnalistlər Zaruhi Meylumyan, Anton Naumlyuk və Sergey Yolkin olub.

“Biz qorxmaz, cəsur və müstəqil jurnalistikanı mükafatlandırmaq istəyirik. Mükafatın məqsədi araşdırma jurnalistikası və fikir müxtəlifliyinə münbit şərait yaratmaqdır. Media dördüncü hakimiyyət olaraq hüquq pozuntularını ifşa edir. Bu il biz bu mükafat üçün böyük risk altında, satılmadan yoluna davam edən dörd media orqanı və jurnalisti seçmişik”, “Fritt Ord” Fondunun icraçı direktoru Olav Amas belə deyib.

Mükafatın əvvəlki illərdə Azərbaycandan olan qalibləri Turan agentliyi, Azadlıq qəzeti, jurnalistlər Şahvələd Çobanoqlu, Zamin Hacı, Xədicə İsmayil, Təhminə Tağızadə, Mehman Hüseynov, Seymur Həzi olub.