2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Xəbərlər

Mi-17-nin qəzaya uğramasının səbəbləri məlum deyil

Bakı/01.12.21  Azərbaycan sərhəd qoşunlarına məxsus vertolyotun qəzaya uğramasından bir gün keçsə də, qəzanın səbəbləri məlum deyil. Qəza nəticəsində 14 nəfər həlak olub.

Prokurorluğun məlumatına görə, “qara qutu” tapılıb və istintaq onun məlumatlarının öyrənilməsinə başlayıb. Öz növbəsində Sərhəd Xidmətinin rəhbəri Elçin Quliyev brifinqdə bildirib ki, vertolyot saz vəziyyətdə olub, onun pilotu isə ən yaxşı pilotlardan biri olub.

Quliyevin sözlərinə görə, vertolyot eniş zamanı qəzaya uğrayıb. Quliyev hər hansı xarici təsiri istisna edib. Baş verənlərə qəza zamanı sağ qalan iki nəfər aydınlıq gətirə bilər. Artıq onlar ifadə veriblər.

Saytların yığılması Saytlarin yigilmasi

Qeyd edək ki, AZTV telekanalı da daxil olmaqla, dövlət kütləvi informasiya vasitələri qəza yerinə buraxılmayıb. Qəza yerindən yüzlərlə metr məsafədə çəkilmiş reportaj az aydınlıq gətirir. Lakin kadrlarda vertolyotun düşmə yerindən xeyli məsafədə səpələnmiş hissələri təsvir edilib. Bu, onu göstərir ki, vertolyot artıq havada parçalanmağa başlayıb. Bu, bir neçə səbəbdən baş verə bilərdi: texniki nasazlıq, təyyarədə partlayış və ya başqa obyektlə toqquşma. Əgər toqquşma kimi partlayış da istisna olunursa, texniki nasazlıq qalır.

Ümid edək ki, istintaq əsl səbəbi müəyyənləşdirəcək.-02B-

 

Turan

“24 saat”

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button