Xəbərlər
Mikroavtobus “Kamaz”la toqquşdu – xəsarət alanlar var
Şirvan şəhərində sərnişin mikroavtobusu “KamAZ” markalı yük maşını ilə toqquşub.
24saat.org Report-a istinadən xəbər verir ki, hadisə bu gün səhər saatlarında Şirvan-Salyan avtomobil yolunda, dəmiryolu tunelindən 200 metr məsafədə qeydə alınıb.
Qəza zamanı mikroavtobusda sürücü ilə birlikdə 11 nəfər olub. Onlardan 5 nəfər – Xankişiyeva Tünzalə Adil qızı, Əliyeva Lətafət Şahüseyn qızı, Dadaşova Şərqiyyə Əbil qızı, Vəliyeva Gülüstan Fazil qızı və Mirzəyeva Sevda Xudaverdi qızı müxtəlif dərəcəli bədən xəsarətləri ilə Şirvan Şəhər Mərkəzi Xəstəxanasına yerləşdiriliblər.
Xəsarət alanlar Sabirabad rayon sakinləridir.
Faktla bağlı araşdırma aparılır.