Millət vəkili kreslosunu itirə bilər…
Astan Şahverdiyevlə bağlı imzatoplama kampaniyasına start verilir
Məlum olduğu kimi, 120 saylı Cəbrayıl-Qubadlı seçki dairəsindən seçilmiş deputat Astan Şahverdiyev cəbrayıllı köçkünləri “cəmiyyətin tör-töküntüsü” adlandırıb. O, Rusiyaya üz tutan azərbaycanlılar haqqında isə “otxod” ifadəsi işlədib ki, hər iki ifadə cəmiyyətdə mənfi mənada ciddi rezonansa səbəb olub.
24saat.org-a daxil olan məlumata görə, artıq baş verənlərdən sonra vətəndaşlar arasında A.Şahverdiyevin əleyhinə imzatoplama kampaniyasına start verilib. Vətəndaşlar hesab edir ki, xalqı təhqir edən, onları aşağılayan bir şəxsin parlamentdə oturmağa, xalq adından danışmağa mənəvi haqqı yoxdur.
Milli Məclisə və Prezident Adminsitrasiyasına təqdim ediləcək siyahıların A.Şahverdiyev üçün hansı nəticələrə yol açacağı hələ bəlli olmasa da, millət vəkilini çətin günlərin gözlədiyi şəksizdir.
