Minskidəki aksiyada ən azı 300 nəfər saxlanılıb
Martın 25-də Belarusun paytaxtı Minskdə keçirilən etiraz aksiyaları dağıdılandan sonra yüzlərlə adam həbs olunub. Yerli hüquq müdafiəçilərinin martın 26-da açıqladığı məlumata görə, aksiya zamanı 300 nəfər saxlanılıb.
Həbslərdən sonra polis Viasna 96 adlı insan haqları qurumunun ofisinə də hücum edib. Burda 50-dən çoxadam həbs olunub.
Prezidentliyə namizəd olacağını açıqlayan müxlifət fəalı Vladimir Nekliayev də etiraz aksiyasında iştirak edəcəyini bildirmişi. Polis Nekliayevi aksiyadan əvvəl saxlayıb.
Polis aksiyanın dağıdarkən zor tətbiq edib. Zor tətbiq olunanlar arasında 20-dən artıq jurnalist olub.
Aksiya 1918-ci ildə yaradılmış Belarus Xalq Respublikasının ildönümüylə bağlı keçirilirdi. Aksiyada 23 ildir hakimiyyətdə olan Aleksandr Lukaşenko hakimiyyətinə qarşı istefa çağırışları səslənib (azadliq.org).
